მოკლე   ბიოგრაფია

ჯონი ხეცურიანი, ჟურნალის ,,ქართული პოლიტიკა’’ სარედაქციო კოლეგიის წევრი, საქართველოს მეცნიერებათა აკადემიის აკადემიკოსი, იურიდიულ მეცნიერებათა დოქტორი, პროფესორი, დაიბადა 1952 წლის ოქტომბერს,  ქალაქ ცაგერში.

1973 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. 1988 წელს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი.

1976-1989 წლებში იყო საქართველოს მეცნიერებათა აკადემიის ეკონომიკისა და სამართლის ინსტიტუტის უმცროსი, უფროსი მეცნიერი თანამშრომელი, მართვის სამართლებრივი პრობლემების ლაბორატორიის ხელმძღვანელი, საქართველოს მეცნიერებათა აკადემიის სახელმწიფოსა და სამართლის კვლევის ცენტრის დირექტორის მოადგილე სამეცნიერო დარგში. 1990 წელს საქართველოს რესპუბლიკის იუსტიციის მინისტრის პირველი მოადგილე. 1990 – 1992 წლებში საქართველო რესპუბლიკის იუსტიციის მინისტრი. 1992–1994 წლებში ივანე ჯავახიშვილის სახელობის თბილისის სახელმწიფო უნივერსიტეტის დოცენტი, პროფესორი. 1995–1999 წლებში საქართველოს პრეზიდენტის საპარლამენტო მდივანი. 1999 – 2000 წლებში საქართველოს იუსტიციის მინისტრი 2000 – 2001 წლებში საქართველოს პრეზიდენტის საპარლამენტო მდივანი. 2001 – 2006 წლებში საქართველოს საკონსტიტუციო სასამართლოს თავმჯდომარე. 2006 წლიდან დღემდე საქართველოს საკონსტიტუციო სასამართლოს მოსამართლეა.

გამოქვეყნებული აქვს 106 სამეცნიერო ნაშრომი.