მოკლე   ბიოგრაფია

ზაზა ალექსიძე, ჟურნალის ,,ქართული პოლიტიკა’’ სარედაქციო კოლეგიის წევრი, საქართველოს მეცნიერებათა აკადემიის აკადემიკოსი, პროფესორი, დაიბადა 1935 წლის 18 ოქტომბერს ქ.თელავში.

1958-1968 წლებში იყო საქართველოს მეცნიერებათა აკადემიის კ.კეკელიძის სახელობის ხელნაწერთა ინსტიტუტის მეცნიერი თანამშრომელი; 1968-1979 წლებში საქართველოს მეცნიერებათა აკადემიის ივ.ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის უფროსი მეცნიერი თანამშრომელი; 1979 წლიდან დღემდე თბილისის სახელმწიფო უნივერსიტეტის აღმოსავლეთმცოდნეობის ფაკულტეტის არმენოლოგიის კათედრის გამგე. დღევანდელი ნომენკლატურით აღმოსავლეთმცოდნეობის მიმართულების არმენოლოგიის პროგრამის ხელმძღვანელი, სრული პროფესორი; 1986-1988 წლებში საქართველოს მეცნიერებათა აკადემიის აღმოსავლეთმცოდნეობის ინსტიტუტის წამყვანი მეცნიერი თანამშრომელი (შეთავსებით), ტექსტოლოგიის განყოფილების გამგე; 1989-1991 წლებში თბილისის სასულიერო აკადემიის პროფესორი; 1988-2006 წლებში საქართველოს მეცნიერებათა აკადემიის კ.კეკელიძის სახელობის ხელნაწერთა ინსტიტუტის დირექტორი; 1995 წელს გელათის მეცნიერებათა აკადემიის წევრი; 2002-2004 წლებში საქართველოს მეცნიერებათა აკადემიის ენისა და ლიტერატურის განყოფილების აკადემიკოს-მდივნის მოვალეობის შემსრულებელი, პრეზიდიუმის წევრი; 2006-2007 წლებში ხელნაწერთა ინსტიტუტის სამეცნიერო განყოფილების გამგე; 2007 წლიდან დღემდე ხელნაწერთა ეროვნული ცენტრის კოდიკოლოგიისა და ტექსტოლოგიის განყოფილების გამგეა.

გამოქვეყნებული აქვს 152 სამეცნიერო ნაშრომი.